O Concello recomenda á poboación absterse do baño na praia de Porto Quintela
 |
| Pozas de Porto Quintela |
A Dirección Xeral de Innovación e Xestión da Saúde Pública informou ás autoridades poíticas do Concello de Bande sobre a detección dun bloom de cianobacterias no encoro de As Conchas pola Guardería. Os técnicos da Confederación Hidrográfica Miño – Sil deron conta desta situación que podería provocar "posibles riscos para a saúde", se ben, non comunicaron a orixe da contaminación. O alcalde da localidade banduense, José Antonio Armada, explicou que "estamos moi sensibilizados e preocupados co tema", polo que "poñemos a disposición das autoridades sanitarias tódolos medios posibles ao noso alcance para encontrar as causas e solucionar esta cuestión".
Por este motivo, e até novas indicacións, dende o Concello recomendan á poboación absterse do baño na praia de Porto Quintela "para evitar situacións de posibles riscos para a saúde", e aseguran que "xa se tomaron as primeiras medidas para a súa indicación".
No hay comentarios:
Publicar un comentario